Keriç parom keçitiniñ işi dekabr 14 ve 15 künleri ava şaraitleriniñ bozuluvı sebebinden toqtatıla bile. Bu aqta Keriçte resmiy taşıyıcınıñ – «Deñiz müdirligi» şirketiniñ matbuat hızmeti bildire.
«Dekabr 14 künü saat 12:00 ve dekabr 15 künü saat 11:00den ava şaraitleriniñ bozuluvı tahmin etile. Keriç parom keçitiniñ toqtatılması mümkün», – denile beyanatta.
«Deñiz müdirligi» şirketiniñ diçpetçer hızmetiniñ malümatına köre, şimdi keçit adetiy rejiminde çalışa. «Kavkaz – Qırım» yolağında «Olimpiada», «Mayor Çapiçev» ve «Krım» paromları çalışa. «Kavkaz – Keriç deñiz ticariy limanı»nda «Glükofilousa», «Pobeda», «Yeysk» ve «Kerçenskiy-2» paromları çalışa.
Keriç boğazından parom keçiti Rusiye tarafından işğal etilgen Qırımnı Rusiye Federatsiyasınıñ Krasnodar diyarı ile bağlağan yekâne naqliyat arteriyasıdır.
