Link açıqlığı

Aqmescitte Lenin meydanında dekabr 11 künü esas yılbaş naratını yerleştirmege başladılar. İşçiler beş yıl evelsi Kiyevden ketirilgen suniy naratnıñ demir inşaatını qurmaqta, dep bildire Qırım.Aqiqat mühbiri.

Piyadeler şeer kommunal hızmetiniñ işçileri yapqanından ayrette qala, çünki şeerlilerniñ çoqusı bu sene Aqmescit memuriyetiniñ başı Gennadiy Baharevniñ vade etken Vologda naratını körecek edi. Böylece, kelip-keçkenlerniñ: «Vologdadan ketirecekmiz degenler de» aytqanına hadimler: «Daa ketirmeyler» dep cevap qaytara.

Narat, adet üzre, Lenin meydanınıñ ortasında turacaq. Açılışı dekabr 19-na planlaştırıla. Bıltır Qırımnıñ esas naratı Rusiye bayrağı tüsünde yaraştırılğan edi. Bu sene, memurlarnıñ aytqanı kibi, naratnıñ yaraştırılmasında sürprizler olmaycaq.

Şu künleri Aqmescitniñ Rusiye memuriyetiniñ başı Gennadiy Baharev Qırımğа Vologdadan 25 metrlik naratnıñ ketirilecegini ilân etken edi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG