Qırım yarımada 845,8 miqdarında elektrik energiyası ile teminlengen, üçte biri yarımadada çıqarıla.
Bu aqta Rusiye Fevqulâde işler nazirliginiñ Qırım idaresiniñ reberi Sergey Şahov FV yoq etilmesi boyunca ştabnıñ toplaşuvında.
«Elektrik energiyasınıñ umumiy miqdarı 845,8 MVt teşkil ete, şu cümleden, öz generatsiyası – 409,6 MVt, «Krasnodar – Qırım» energetik köpürinden – 273,2 MVt», – dedi o.
Şahov qayd etkeni kibi, «elektrik temnleviniñ ket-kete tertipleşüvi» tasil saası müessiseleriniñ işine devam etmege imkân bere. Memurnıñ sözlerine köre, mesken evelrniñ ve içtimaiy saa obyektleriniñ qızdıruv tertibatı tamamınen çalışa.
Qırım qıtaiy Ukrainadan 850 – 900 MVt miqdarında elektrik energiyasını ala edi.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
Yaqında Qırım qamaçavı ştabınıñ reberi Lenur İslâmov ştab «Ukrenergo»ğa «Kahovka-Titan» elektrik yolağını Qırımğa ceryannı bermek içün tamamınen azırlamağa ruhset bergenini bildirdi. Qırımtatar Milliy Meclisiniñ reisi, Ukraina Yuqarı Radasınıñ deputatı Refat Çubarovnıñ sözlerine köre, faaller tamirlengen elektrik yolağını qullanmağa fırsat berirler. Dekabr 7 künü «Pravıy sektor» ve «Aydar» temsilcileri bunıñ ile razı olmağanlarını ve aktsiyada artıq iştirak etmeycegini bildirdiler.
Qırımda dekabr 9 künü saat 16:12 energetik ağınıñ qazaiy söndürüvi yüz berdi, 220 kV «Kahovka – Titan» yolağınıñ quveti 20 Mvt qadar eksildi. Qırım.Aqiqatqa «Ukrenergo» devlet şirketinde bildirilgeni kibi, 220 kV «Kahovka –Titan» yolağı boyunca berilgen quvet miqdarı 165 MVt eksildi.
