Link açıqlığı

Qırımda dekabr 12-17 künleri «Qırım demir yolu» yarımada vokzallarında balalar içün «Ayaz dedege mektüp» yılbaş aktsiyasını keçirecek.

Bu aqta şirketniñ matbuat hızmeti bildire.

«Tedbir çerçivesinde ufaq qırımlılar tılsımlı qaramanğa öz arzuları aqqında yaza ve olarnıñ kerçekleşmesini soray bile. Mektüpni yazmağa balalarğa Qarqız yardım eter», – denile beyanatta.

Matbuat hızmetiniñ malümatına köre, bütün mektüplerni «Ayaz dede iqametgâhına yollarlar – Velikiy Ustüg şeerine (Vologod vilâyeti)». Eki aftadan balalarğa cevap yollaycaq olalar.

Dekabr 12 künü aktsiya Aqmescitte, dekabr 13 – Aqyarda, dekabr 14 – Kezlevde, dekabr 15 – Kefede, dekabr 16 – Keriçte, dekabr 17 – Canköyde keçirilecek. Vokzallarda böyle poçtalar Moskva vaqtı boyunca 9:00-16:00 saatleri çalışacaq.

XS
SM
MD
LG