Link açıqlığı

Qırımda insan aqlarına riayet etüviniñ nezaretine köre, yarımadada soñki yarım yıl içinde yüzden ziyade tintüv, sorğu ve yaqalav keçirildi. Yarımadada serbestlik vaziyeti kergin qala, bunı Qırım.Aqiqat Radiosınıñ efirinde uquq qoruyıcı ve «YevromaydanSOS» teşebbüsiniñ temsilcisi Mariya Lısenko bildirdi.

Fikrine köre, Qırım sakinleri «yerli uquq qoruyıcılarnıñ qattı nezareti altında» buluna , insan aqları ile bağlı vaziyetni «zor» adladı.

«Kergindir, kerçekten, çünki soñki vaqialardan sebep (yarımada qamaçavı – QA) işğal etilgen yarımadağa uquq qoruyıcı organlarınıñ diqqatı ğayet arttı», – dey Lısenko.

Nezaretniñ malümatına köre, Qırımda soñki yarım yıl devamında 150-den ziyade sorğu, 100-den – tintüv, 100-den ziyade – yaqalav, bir 100 mahkeme toplaşuvı, olardan 30 – sentâbr-noyabr ayları içinde keçirildi.

Dekabr 9 künü aşkâr etilgen BMT Ukrainada insan aqlarına riayet etüv boyunca 12-nci maruzasında qayd etilgeni kibi, Qırımda Rusiye akimiyeti tarafından insan aqlarınıñ bozuluvı ep devam ete.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG