Link açıqlığı

Qırım jurnalisti Roman Spiridonovnıñ Aqmescitteki evinde ve ana babasınıñ evinde tintüvler Qırım vatandaşlıq qamaçavınıñ teşebbüsçisi, ATR telekanalınıñ saibi Lenur İslâmovnıñ cinaiy işi çerçivesinde keçirilgen. Spiridonovnı FSB sorğuğa çağıralar.

Bunı Qırım.Aqiqatqa Qırım advokatı Cemil Temişev bildirdi.

«Tintüv keçirdiler, planşetni tutıp aldılar, onıñ ve ana-babasınıñ evlerinde tintüv keçirdiler. Ve eñ meraqlısı – evinde buzdolabı üstünde patlav aletiniñ yapuvı boyunca tafsilâtlı talimatnı taptılar. Roman bu onıñ olmağanını bildire», – dey advokat.

O şunı da qayd etti ki, bu vaqıtta o binada yoq edi, birazdan soñ keldi ve tintüvniñ devamını nezaret etti. «Tapılmasınıñ şaatı degil edim. Amma vesiqada yazılğanına köre, şimdi öyledir», – qayd etti Temişev.

Roman Spiridonov Qırım.Aqiqatqa bildirgeni kibi, al-azırda iş yerinde buluna ve telefonnı onı qaytardılar.

«Tintüv vaqtında tek cihazlarnı tutıp aldılar. FSB hadimleri özlerini tınç alıp bardı. Tintüvden soñ Franko bulvarında yerleşken SBU binasına sorğuğa kelmege çağırdılar. Amma, advokatımnıñ şimdi mahkeme toplaşuvı olğanından sebep, subetni başqa künge keçirmege rica ettik. Endi saat 17:00 olacaq sorğuğa azırlanam», – dedi jurnalist.

Qırımnıñ uquq qoruyıcı organları tarafından bu aqta izaat yoq.

Spiridonovğa tintüv ile dekabr 10 künü keldiler. Apayı İrina aytqanı kibi, afyon, silâ ve yasaqlanğan edebiyat qıdırıla edi. Tintüv 2,5 saat devam etti.

Spiridonov şimdi QaraDeniz production stduiyasına çalışa. Bundan evel ATR telekanalınıñ muarriri edi.

XS
SM
MD
LG