Link açıqlığı

Qırım jurnalistiniñ evinde titnüv soñuna yetti, silâ ve yasaqlanğan edebiyatnı qıdıra ediler


Qırım jurnalisti Roman Spiridonovnıñ Aqmescitteki dairesinde dekabr 10-da uquq qoruyıcılarnıñ tarafından keçirilgen tintüv soñuna yetti, silâ ve yasaqlanğan edebiyatnı qıdıra ediler.

Bu aqta Qırım.Aqiqatqa Spiridonovnıñ apayı, İrina tarif etti.

Onıñ sözlerine köre, tintüv 2,5 saat devam etti.

«Tintüv aqqında qararda qayd etilgeni kibi, afyon, silâ ve yasaqlanğan edebiyat qıdırıla edi. Saba saat yedide, silâsız keldiler, özlerini ğayet nezaketli tarzda alıp bardılar. Balalarımnı bala bağçasına alıp barmağa ruhset berdiler. Tintüv devаmında bir şey tapmadılar, protokol tizip, aqayımnıñ ana-babasına tintüv ile kettiler», – dey İrina.

Ana-babada da aynı şeylerni qıdırğanları aqqında bildirdi. Tintüv vaqtında advokat da anda buluna edi.

Spiridonovnıñ özü ve Qırım uquq qoruyıcı organları tintüvni izaatlamaylar.

Dekabr 9-da FSB hadimleri tarafından nevbetteki tintüv Elzara İslâmovanıñ evinde keçirildi. Qırım qamaçavı idarecisi, ATR telekanalınıñ saibi Lenur İslâmovğa nisbeten açılğan cinaiy işniñ çerçivesinde keçirilgen ekinci tintüvdir.

Qırımda noyabr 2 künü ATR qırımtatar telekanalınıñ sabıq hadimleriniñ – Elzara İslâmova, Lilâ Bucurovanıñ evlerinde ve telekanal saibi Lenur İslâmovnıñ ana-babasınıñ ve Moskvadaki onıñ şahsiy evinde tintüvlerni keçirdiler. Bu sene mayıs ayında ATR sabıq baş müdiri Elzara İslâmova Lilâ Bucurova ile birlikte «QARA DEÑİZ PRODUCTION» mustaqil production studiyasını teşkil ettiler.

Ukraina Tış işler nazirligi Qırımda insan aqlarınıñ bozuluvı boyunca eki cinaiy işni açtı.

XS
SM
MD
LG