Link açıqlığı

«Mustafa» serlevalı biografik filmniñ çıqaruvına qırımtatar halqınıñ milliy yetekçisi Mustafa Cemilevniñ rolüne kasting ilân etilgen.

Filmniñ çıqaruv taqımınıñ Facebooktaki saifesinde bildirilgeni kibi, genç Mustafa Cemilevni oynacaq aktör qıdırıla.

Çıqaruvlar içün 25-35 yaşında arıq erkekni qıdıralar, denile beyanatta.

«Mustafa» – Mustafa Cemilev aqqında ilk vesiqalı film. Maqsadı – cemaatçılıqqa qırımtatarlarnıñ küreşini, ar-namus, menligini aks etken ukrain siyasetçisiniñ canlı tarihı aqqında tarif etmek. «Mustafa» leyhası üzerinde prodüser, «KrımSOS» cemaat teşebbüsçisiniñ tesisçisi ve koordinatorı Tamila Taşeva, ukrain bestekârı, pianinocı, sound-prodüser Fima Çupakin, ukrain jurnalisti, publitsist, tarihçı Vahtang Kipiani çalışalar. Filmni 2016 senesi aprel ayında kösterecek olalar.

Mustafa Cemilev – qırımtatar halqınıñ milliy yetekçisi, uquq qoruyıcı. Halqnıñ ğurbetlikten Vatanı, Qırımğa qaytması oğrunda küreşip, 15 yıl sovet lager ve apishanelerinde yatıp çıqtı. Sovet apishanesinde 306 kün devamında açlıq tutqan edi. Nobel mukâfatına namzetlik körgen edi.

XS
SM
MD
LG