Link açıqlığı

Saatnıñ esas haberi

Qırımğa elektrik yolağı tüşürilse, Putin Ukrainağa kömür berimesini musaade eter


Rusiye prezidenti Qırımğa Kiyev tarafından elektrik energiyası berilse, Rusiye Federatsiyası ükümetine Ukrainağa kömürniñ berilmesini ğayrıdan başlamağa avale etti. Bu aqta «İnterfaks» Rusiye agentligi bildire.

Rusiye ükümeti azaları ile körüşüvde Putin Rusiyeniñ Qırımnı öz başına elektrik energiyası ile teminlemege imkânı olğanda, memlektniñ «Ukraina ile elektrik energiyasınıñ berilmesine devamlı muqaveleri» qaldı.

«Bilgenime köre, böyle muqavele sanki yoq, amma bir kimseni oñaytsız alda qaldırmamaq içün baqmaq kerek ve elektrik energiyası bizge ne vaqıttan kerek olmaycağı aqqında evelden haber bermek kerekmiz», – dedi Rusiye prezidenti.

Qırımda dekabr 9 künü saat 16:12 energetik ağınıñ qazaiy söndürüvi yüz berdi, 220 kV «Kahovka – Titan» yolağınıñ quveti 20 Mvt qadar eksildi. Qırım.Aqiqatqa «Ukrenergo» devlet şirketinde bildirilgeni kibi, 220 kV «Kahovka –Titan» yolağı boyunca berilgen quvet miqdarı 165 MVt eksildi.

Yaqında Qırım qamaçavı ştabınıñ reberi Lenur İslâmov ştab «Ukrenergo»ğa «Kahovka-Titan» elektrik yolağını Qırımğa ceryannı bermek içün tamamınen azırlamağa ruhset bergenini bildirdi. Qırımtatar Milliy Meclisiniñ reisi, Ukraina Yuqarı Radasınıñ deputatı Refat Çubarovnıñ sözlerine köre, faaller tamirlengen elektrik yolağını qullanmağa fırsat berirler. Dekabr 7 künü «Pravıy sektor» ve «Aydar» temsilcileri bunıñ ile razı olmağanlarını ve aktsiyada artıq iştirak etmeycegini bildirdiler.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Rusiye baş naziri Dmitriy Medvedev qıtaiy Ukrainadan Qırımğa elektrik energiyasınıñ berimelsi toqtatılğanını «genotsid» ve «ayvanlıq» dep adladı.

XS
SM
MD
LG