Link açıqlığı

Saatnıñ esas haberi

İslâmov: Aksenovnıñ «Lâle» telekanalına litsenziyanı bermek vadesi meni meraqlandırmay


«Lâle» qırımtatar bala telekanalınıñ saibi Lenur İslâmov aytqanı kibi, oña Qırımda telekanalnıñ işi içün Qırımnıñ Rusiye yolbaşçısı Sergey Aksenov berecek litsenziya kerekmey.

Bu aqta İslâmov Qırım.Aqiqatqa bildirdi.

«Bütün onıñ litsenziyaları maña ep bir. Ondan maña iç bir litsenziya kerekmey, işğalci akimiyet ve Rusiye akimiyetinden de bir şey kerekmey. Anda olğanda ve kabinetten kabinetke yürgende, bayağı sabır ettim ve qasevet çektim», – dey İslâmov.

O şunı da qayd etti ki, şimdi «Lâle» telekanalı, ATR kibi, Kiyevden çalışa. Qırımda «Lâle» içün levhalarnı çıqarğan «Qara Deniz Production» studiyası bar.

2015 senesi aprel 1-den dünyada yekâne ATR qırımtatar telekanalı, «Lâle» bala telekanalı, «Meydan» radiosı Roskomnadzor litsenziyasını alalmayıp, işğal etilgen Qırımda yayınlavını toqtatmaq mecbur oldı. İyün 17-den ATR ve «Lâle» Kiyevden yayınlavına devam etti, «Meydan» internette çalışmağa başladı.

Dekabr 8 künü ATR «Tatlı ses» bala yarışını keçirdi. Baş teşkilâtçı vazifesi «Lâle» kanalında edi. «Tatlı ses»niñ bu senedeki şiarı: «Show must go on» edi.

XS
SM
MD
LG