Link açıqlığı

Rusiye baş naziri Dmitriy Medvedev qıtaiy Ukrainadan Qırımğa elektrik energiyasınıñ berimelsi toqtatılğanını «genotsid» ve «ayvanlıq» dep adladı.

Bu aqta o dekabr 9 künü jurnalistlerge bildirdi.

«Yarıq ile olğanını tek genotsid dep adlamağa mümkün. Yüzsüz, halq arasında aytılğanı kibi, lâqaytsız bir mevam… Bunı nasıl adlamağa mümkün? Ayvanlıq, başqace aytamazsıñ», – dedi Medvedev.

Onıñ sözlerine köre, Rusiye akimiyeti buña azırlıq körgen edi – «yaqarlıq, yedek energetik ile teminlev tertibatlarını azırlay ediler».

Bunıñ ile Rusiye baş naziri aytqanı kibi, yaqında Rusiyeden Qırımğa energetik köpürniñ ekinci yolağı tüşürilecek, mayısta – daa eki, umumen 800 MVt teşkil eter ve Qırımnıñ bütün meselelerini al eter».

Yaqında Qırım qamaçavı ştabınıñ reberi Lenur İslâmov ştab «Ukrenergo»ğa «Kahovka-Titan» elektrik yolağını Qırımğa ceryannı bermek içün tamamınen azırlamağa ruhset bergenini bildirdi. Qırımtatar Milliy Meclisiniñ reisi, Ukraina Yuqarı Radasınıñ deputatı Refat Çubarovnıñ sözlerine köre, faaller tamirlengen elektrik yolağını qullanmağa fırsat berirler. Dekabr 7 künü «Pravıy sektor» ve «Aydar» temsilcileri bunıñ ile razı olmağanlarını ve aktsiyada artıq iştirak etmeycegini bildirdiler.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Qırım qamaçavı teşebbüsçileri dekabr 6 künü qıtaiy Ukrainadan yarımadağa elektrikniñ bir yolaq vastası ile berile bilecegi aqqında bildirgen ediler. Bunı Ukraina prezidenti Petro Poroşenko tasdiqlаdı.

XS
SM
MD
LG