Link açıqlığı

Qırımda «mayıs 3 işi» iştirakçisi ükümden evel «soñki sözni» aytacaq – advokat


Çarşenbe künü, dekabr 9-da, Qırımda Ermeni Bazar mahkemesinde «mayıs 3 işi» işitrakçisi Tair Smedlâyevge «soñki söz» berilecek mahkeme toplaşuvı keçirilecek, haber ete advokat Emil Kurbedinov.

«Tair Smedlâyevniñ «soñki sözü» olacaq ve mahkeme ükümni çıqarmaq içün muşavere odasına çıqacaq», – yazdı Kurbedinov Facebookta.

Aynı şu iş boyunca dekabr 7 künü Ermeni Bazar mahkemesi bu işniñ diger iştirakçisi Edem Osmanovğa üküm çıqardı. Oña bir yıllıq şartlı apis cezasını belgilediler. Edem Osmanov qabaatını tanımadı.

Qırımtatar faali Tair Smedlâyev Rusiye uquq qoruyıcıları tarafından Eski Qırımda 2014 senesi oktâbr 22 künü yaqalandı. Bıltır dekabr ayında apis cezasını kefaletke deñiştirdiler.

Evel Qırımnıñ Rusiye prokuraturası bildirgeni kibi, Ermeni Bazar şeer mahkemesi Aqmescit rayonı 45 yaşında Edem Ebulisovnı «mayıs 6 işi» boyunca qabaatlı tanıdı, oña 40 biñ ruble miqdarında para cezası berildi.

XS
SM
MD
LG