Link açıqlığı

Rusiyede maküm etilgen Hayser Cemilevniñ adliyecisi Nikolay Polozov imayesi altında olğannıñ müddetten evel şartlı azat etüvi aqqında şefaatını azırladı.

«Astrahanniñ Sovet rayon mahkemesine Hayser Cemilevniñ müddetten evel şartlı azat etüvi aqqında şefaatımnı berdim», – yazdı o twitterde.

Advokat şuña diqqat etti ki, Hayser yalıñız silâ ve qurşunlarnıñ saqlanuvı ve hırsızlavı sebebinden apiste yata.

Rusiye Federatsiyasında maküm etilgen Hayser Cemilev – qırımtatarlarnıñ milliy yetekçisi, Ukraina halq deputatı Mustafa Cemilevniñ oğlu – Astrahan şeeriniñ №10 koloniyasında buluna.

Rusiye Federatsiyasınıñ Yuqarı mahkemesi Hayser Cemilev içün Krasnodar diyarı mahkemesi tarafından berilgen beş yıllıq apis müddetini bir buçuq yılğa qısqarttı. Rusiye ükmü ve 2015 senesi aprel ayında Kiyevniñ Dnepr mahkemesi tarafından belgilengen müddet arasında üç aylıq farq bar – 3 yıl 8 ay.

Hayser Cemilevni 2013 senesi mayıs 27-de onıñ Bağçasaraydaki evinde yaqaladılar. Anda 44 yaşında Fevzi Edemov öldürilgen edi. Militsiya Cinaiy kodeksniñ 115-inci maddesiniñ 1-inci qısmı boyunca (planlaştırılğan öldürüv) cinaiy iş açtı.

Bıltır iyül 10 künü İnsan aqları boyunca Avropa mahkemesi Hayser Cemilevni SİZOdan azat etmek qararını çıqardı. Rusiye bunı yerine ketirmedi.

XS
SM
MD
LG