Qırımda 2014 senesi vaqialarından soñ ğayıp olğanlarnıñ tam miqdarını belgilemege imkân yoq, dedi İnsan aqları boyunca Qırım alan eyyetiniñ temsilcisi Оlga Skripnik.
«Eminim, insanlarnıñ cedveli, elbette ki, daa da büyük. Bugünde ğayıp olğan insanlar aqqında malümatnı elde etmege olduqça qıyın. Bundan da ğayrı, insanlarnıñ ayırım apparatı sebebinden ğayıp oluvlar aqqında haber etmege çaresi yoq. Qırımda olğan şimdiki taqiqat insanlarnıñ ğayıp oluvı ile bağlı vaqialarnı Qırım territoriyasını göñülli sürette terk etilmesi kibi ögrene», – dedi o Qırım.Aqiqat Radiosı efirinde.
Skripnik hatırlatqanı kibi, yarımadada tam işni becerip olamağan İnsan aqları boyunca Qırım alan eyyeti öz faaliyetiniñ şekilini deñiştirdi.
Uquq qoruyıcı şunı da hatırlattı ki, Qırım Rusiye uquq qoruyıcı organları taqiqatqa sıqı sürette keder ete.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
