Link açıqlığı

Qırım Rusiye prokurorı Natalya Poklonskaya «fevral 26» cinaiy işi boyunca qabaatlayıcı qararnı tasdiqladı ve mahkemede devlet qabaatlavına şahsen qol tutmağa niyetini bildirdi. Bu aqta Qırım Rusiye prokuraturasınıñ matbuat hızmeti bildire.

«Qırım cumhuriyetiniñ prokurorı Natalya Poklonskaya Ahtem Çiygoz, Eskender Kantemirov, Eskender Emirvaliyev, Mustafa Degermenci, Ali Asanov, Arsen Yunusovğa nisbeten qabaatlayıcı qararnı tasdiqladı», – denile beyanatta.

Beyanatta qayd etilgeni kibi, «Çiygoz Rusiye Federatsiyasınıñ CK 212 maddesi birinci qısmına köre (zulum ve mülkiyetniñ yoq etilmesi ile bağlı kütleviy nizamsızlıqnıñ teşkil etilmesi) cinayetniñ etilmesinde qabaatlana, başqaları – Rusiye Federatsiyasınıñ CK 212 maddesi birinci qısmına köre (kütleviy tertipsizlikte iştirak).

Taqiqatnıñ malümatına köre, fevral 26 künü Çiygoz Qırım Devlet Şurası yanında kütleviy nizamsızlıqnı teşkil etti, neticede eki insan elâk oldı, 79 zarar kördi.

Cinaiy işni Qırım Yuqarı Mahkemesine yollaycaqlar.

Noyabr 30 künü Qırımnıñ Yuqarı mahkemesi Aqmescit Kiyev rayon mahkemesiniñ «fevral 26 işi» iştirakçileri Mustafa Degermenci ve Ali Asanovnı apiste 2016 senesi fevral 19-na qadar, Qırımtatar Milliy Meclisi reisiniñ muavini Ahtem Çiygoznıñ 2016 senesi yanvar 29-na qadar apiste qaldırılması aqqında qararını lâğu etmedi

Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütleviу tertipsizliklerde» iştirak etüvleri içün qabaatlana.

XS
SM
MD
LG