Link açıqlığı

Saatnıñ esas haberi

Poklonskaya İslâmov içün deñiz manzarası olmağan apishane aqqında tarif ete


Qırımnıñ rus prokurorı Natalya Poklonskaya Qırım qamaçavı boyunca vatandaşlıq aktsiyasınıñ idarecisi, ATR telekanalınıñ saibi Lenur İslâmovnıñ yarımadada tevqif etilgen mülkiyetiniñ qaytarılacağı aqqında bildirüvini izaatladı.

«Qaytıp, ticaretimni qaytarırım dey. Qaytır, ebet. Qaytsın, apishane odası azır. Qara deñiz manzarası ile apishane odasını vade etmeymiz. Amma kamera bar, memleketimizniñ şimaliy qısmında», – dedi Poklonskaya «Rossiya 1» telekanalına.

İslâmovnıñ Poklonskayanıñ bildirüvine izaatı daa yoq.

Bundan evel İslâmov Radio Svobodağa Qırımğa qaytıp kelgende, mulkiyetini qaytaracağı aqqında bildirdi.

Qırımnıñ Rusiye prokuraturası «SimCityTrans» şirketi tarafından avtomobil naqliyatı vastasınen yolcularnıñ taşıması saasında qanuniyetke riayet etilmesiniñ teşkerüvi aqqında bildire, teşkerüvden soñ şirketke 850 biñ ruble miqdarında cöreme belgilendi.

Yaqında Qırımnıñ Rusiye prokurorı Natalya Poklonskaya mahkeme İslâmovnıñ mülkini apis etkeni aqqında bildirgen edi. Aqmescitte Qırım qamaçavınıñ teşebbüsçisine ait olğan iCom tükânı qapatılğan.

XS
SM
MD
LG