Link açıqlığı

Yatsenük Herson vilâyetinde elektrik yolaqlarınıñ patlavına rusiyelilerniñ alâqası bar olğanını tüşüne


Ukraina baş naziri Arseniy Yatsenükniñ fikrine köre, Herson vilâyetinde elektrik yolaqlarınıñ patlavına rusiyelilerniñ alâqası bar olğanını tüşüne.

«Rusiyelilerniñ bir sıra istihbarat-diversion taqımları bar, buña alâqasınıñ bar olğanı mümkün», – dedi ukrain baş naziri yerli telekanallarğa.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil.

Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG