Link açıqlığı

Ukraina Havfsızlıq hızmetiniñ hadimleri sıñır bekçileri ile birlikte «Çaplinka» kiriş noqtasında bergi alğan gümrük hızmetiniñ devlet teftişçisini yaqaladılar, haber ete SBU matbuat hızmeti.

«Memur vaqtınca işğal etilgen Qırımdan naqliyatnıñ yiberilmesi içün daimiy sürette qabap talap ete ve ala edi. Mahsus hızmetniñ hadimleri gümrükçini yarımadadan mütenasip vesiqaları olmağan yengil maşna aydavcısından dört biñ grivna alğan vaqıtta yaqaladılar», – deyler matbuat hızmetinde.

Ukraina Cinaiy kodeksiniñ 368 maddesiniñ 3 qısmına köre cinaiy iş açıldı. Yaqın vaqıtta gümrükçige cinayet yapılması boyunca qabaat seslendirilecek.

Qırım Rusiye tarafından 2014 senesi mart ayında işğal etilgeninden soñ qıtaiy Ukraina ve yarımada arasında memuriy, aqiqatta ise – kerçek sıñır peyda oldı. Qırım vaqtınca işğal etilgen territoriya olaraq ilân etilgen.

XS
SM
MD
LG