Link açıqlığı

Ukraina prezidenti Petro Poroşenko Ukraina Silâlı quvetleri Künü munasebeti ile keçirilgen tantanalı toplaşuvda aytqanı kibi, Ukraina mudafaa ğayretini siyasiy-diplomatik gayreti ile birleştirmek kerek, çünki memleket «arbiy küçü Ukrainanıñ küçünden olduqça quvetli olğan duşmannı yeñmek kerek».

Poroşenko dey ki, Minsk añlaşmalarına riayet etmegen Rusiyege qarşı sanktsiyalarnıñ uzattırılması «rusiyelilerniñ tam miqyaslı ücüminden kefalet berir» ve işğal etilgen Donbass topraqlarınıñ Ukraina nezaretine qaytarılması meselesinde Moskvağa halqara toplulıqnıñ basqısını arttırmağa imkân yaratır.

«Qırım aqqında da unutmaymız», – dep bildire Petro Poroşenkonıñ sözlerini onıñ matbuat hızmeti.

Ukraina devletiniñ başı aytqanı kibi, soñ bir qaç afta devamında bu mevzuda Avropa birligi memleketleriniñ aman-aman bütün yetekçileri ile subet keçirdi, dekabr 16-da bu meselede noqta qoymaq içün Brükselge yol alacaq ola.

XS
SM
MD
LG