Link açıqlığı

Saatnıñ esas haberi

Aqmescitte bala ekimleri baquvnı fenerlernen keçire


Aqmescitniñ ufaq hastahaneleri alâ daa elektrikniñ söndürüv grafigine alışa.

Qırım.Aqiqat mühbiri bildirgeni kibi, hastahaneler öz şahsiy yedek generatorlarından elektrik energiyasını qullansa, mesken evlerde yerleşken bala hastahaneleriniñ filialları bu imkâniyetten marum qala.

Bala ekimleri işinde fenerlerni qullanmaq mecbur, dep bildire Qırım.Aqiqat mühbiri.

Noyabrt soñunda Rusiye Federatsiyasınıñ saqlıq saqlav naziri Veronika Skvortsova Qırım hastahanelerinde elektrik teminlevi ile vaziyet stabil olğanını qayd etken edi.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene.

Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG