Qırımda Küçük Özen kurort qasabası bir aftadan berli ışıq ve qızdıruvsız qala. Qasaba sakinleriniñ mektübini Qırımnıñ şimdiki başı Sergey Aksenov fevqulâde vaziyetniñ yoq etilmesi boyunca ştabnıñ toplaşuvında oqudı.
«Işıq ve qızdıruvsız. Tünevin deputatlar keldi, inkognito, sakinlerge bildirmeden. Mobil ağı peyda oldı, olar ketkende, söndürildi. Qasabamızğa kelseñiz, tarif etilecek şeyimiz bar», – dep oqudı mektüpni Aksenov, haber ete Qırım.Aqiqat mühbiri.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene.
Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
