Link açıqlığı

Rusiye prezidenti Vladimir Putin memleketniñ Havfsızlıq Şurası azalarınen toplaşuvnı keçirdi, Qırımda energetik vaziyetni ve yarımada ziyaretini muzakere etti.

Bu aqta Kremlniñ matbuat hızmeti bildire.

«Kiyev tarafından yarımadağa elektrik energiyasınıñ berilmesi aqqında muqavele mecburiyetleriniñ yerine ketirilmemesinden peyda olğan aqibetlerniñ yoq etilmesi çerçivesinde energetik köpürniñ inkişafı boyunca yapılacaq iş muzakere etildi», – denile beyanatta.

Suriye vaziyeti ayrı muzakere etildi.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene.

Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

XS
SM
MD
LG