Link açıqlığı

Rusiye iqtisadiy cezaları Türkiyeni tiz çökmege mecbur etmez. Bu aqta cuma künü Türkiye baş naziri Ahmet Davutoğlu Bakuda bildirdi.

Davutoğlu noyabr 24 künü Suriye-Türkiye sıñırında memleket ava alanını bozğan Rusiye uçağını urıp tüşürgen Turkiye areketlerini aqladı. Davutoğlu aytqanı kibi, Ankara sıñırlarını qorçalağanı içün afu soramaq mecbur degil.

Türkiye baş naziri birinci sefer şunı ayttı ki, Türkiye Suriyede turkmenler yaşağan rayonlarğa ücüm etecek olğan uçaqnı öz ava alanına «maneviy mulâaza» ceetinden kirsetip olamay edi.

Aynı zamanda Davutoğlu Rusiyeni munasebetlerni daa da ziyade bozmamaq ve iqtisadiy işbirlikni devam ettirmege çağırdı.

Moskva Türkiyeni Rusiye uçucısınıñ aselet öldürüvinde qabaatladı ve oña qarşı sanktsiyalarnı kirsetti, şu cmuleden 2016 senesi yanvar 1-den Türkiye vatandaşları içün vizasız rejimni lâğu etti.

XS
SM
MD
LG