Link açıqlığı

Qırım sakinlerine balalar içün yañı ad teklif etile – «Generator». Bu kibi teşebbüsni dekabr 4 künü nevbetten tış sessiyada Qırım Devlet Şurasınıñ başı Vladimir Konstantinov bildirdi, haber ete Qırım.Aqiqat.

«Qızlarğa Sveta adını qoyalar. Devlet şurasında özgün bir teklif peyda oldı – oğlanlar aqqında unutqanlar da, olarğa Generator adını bermek. Generator İvanoviç – pek yahşı ad olacaq. Qısqartsaq – Gera, ğayet güzel», – dey Konstantinov.

Qayd etkeni kibi, Qırımda fevqulâde vaziyet «tek zorluq ve problemalarğa degil de, şaqalarğa da sebep yarattı». Böyleliknen, aytqanı kibi, «qırımlılarnı şimdi «vatnik» degil de, «megavatnik» dep adlaylar».

«Nevbette turğan insanlardan şahsen eşittim: «200 vatt kolbas beriñiz», çünki bugün Qırımda er şey vatt ve megavaatlar ile ölçenile», – dedi Konstantinov.

Qırımda şimdi dizel-generatorlar eñ satılğan donatuvdır. Generatorlarnı tükân, berberhane, çeşit şirket ve şahsiy evler saipleri satın ala.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene.

Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

XS
SM
MD
LG