Link açıqlığı

Qırımtatar Milliy Meclisi reisiniñ birinci muavini Nariman Celâl aytqanı kibi, Qırımda uquq qoruyıcılar Meclis azaları ve Qurultay temsilcileri evlerinde tintüvlerni keçirmege devam eteler.

«Dekabr 2 künü tintüv tek Sudaq regional meclisiniñ temsilcisi degil de, iş adamı, Qırımtatar Milliy Meclisiniñ azası Sadıh Tabahnıñ efinde de keçirildi. Bunıñ ile tintüv Qurultayınıñ Teftiş komissiyasınıñ başı Ali Özenbaşnıñ evinde keçirilmek kerek edi, amma FSB ve politsiya hadimleri onı ve tuvğanlarını evinde rastketirmediler», – yazdı Celâl Facebookta.

«Ali Özenbaş gizlenmey ve tintüvlerden qorqmağanını bildire, amma FSB hadimlerine kerek olsa, oña qanuniy şekilde celpnameni yollasınlar, çünki evelleri o er vaqıt uquq qoruyıcı organlarnıñ hadimlerine sorğu ve subetlerge kele edi», – dep qoştı o.

Qırımnıñ uquq qoruyıcı organları adet üzre tintüvlerni izaatlamay.

Dekabr 2 künü Sudaqta Rusiye mahsus hızmetleri rayon meclisіniñ reisi İlver Ametovnıñ evinde tintüv keçirdiler.

Noyabr 30 künü Qırımda İçki rayon regional meclisiniñ reisi Rustem Mennanov, İslâm-Terek regional meclisiniñ reisi Ekrem Abdulvatovnıñ evlerinde tintüv keçirildi.

XS
SM
MD
LG