Qırımnıñ Rusiye prokuraturası «SimCityTrans» şirketi tarafından avtomobil naqliyatı vastasınen yolcularnıñ taşıması saasında qanuniyetke riayet etilmesiniñ teşkerüvi aqqında bildire, teşkerüvden soñ şirketke 850 biñ ruble miqdarında cöreme belgilendi.
«Bir sıra bozuluv qayd etildi, şu cümleden yol areketi havfsızlığınıñ teminlevi boyunca talaplarnıñ yerine ketirilmemesi ile bağlı. Yolğa çıqmazdan evel bazıda aydavcılar seferden evel tibbiy baquvdan keçmey ve domen başında mümkün olğan vaqıttan çoq buluna edi, avtobuslarnıñ seferden evel tehnikiy baquvı ya da yapılmay, ya da mütenasip zenaatı olmağan mehaniklerniñ tarafından etile edi», – denide prokuraturanıñ beyanatında.
İşbu bozuluvlar sebebinden yedi memuriy iş açıldı, deyler prokuraturada. Toplanğan malümatlarğa köre, şirketke cöreme belgilendi.
«SimCityTrans» şirketi iş adamı Lenur İslâmovnıñ adına bağlı, işbu şirketniñ territoriyasında onıñ ATR telekanalı yerleşe edi. «SimCityTrans»ta birazdan Qırım.Aqiqatqa prokuratura areketlerini ve para cezalaranı izaatlamağa vade ettiler.
Yaqında Qırımnıñ Rusiye prokurorı Natalya Poklonskaya mahkeme İslâmovnıñ mülkini apis etkeni aqqında bildirgen edi. Aqmescitte Qırım qamaçavınıñ teşebbüsçisine ait olğan iCom tükânı qapatılğan.
