Link açıqlığı

Saatnıñ esas haberi

Aqmescitte Qırım qamaçavınıñ teşebbüsçisine ait olğan iCom tükânı qapatılğan


Aqmescitte, Gоrkogo soqağında, Apple mahsulatını satqan iCom tükânı qapatıldı.

Qırım.Aqiqat mühbiri bildirgeni kibi, tükânnıñ kiriş qapısında ilân asılğan: «Sayğılı müşteriler! «iCom» tükânı vaqtınca çalışmay». Aşada muracaatlar içün telefon nomerası yazılğan.

Tükânda müşterilerden muvaqqat oñaytsızlıq içün afu soraylar.

Evel Aqmescitte iCom tükânlarınıñ saibi qırımtatar iş adamı, ATR telekanalınıñ saibi, Qırım qamaçavı boyunca aktsiyanıñ idareceisi kibi belli olğan Lenur İslâmov edi. Amma birazdan, işdeşleriniñ malümatına köre, tükânlarnıñ saibi deñişti.

Yaqında Qırımnıñ Rusiye prokurorı Natalya Poklonskaya mahkeme İslâmovnıñ mülkini apis etkeni aqqında bildirgen edi.

Qırımda noyabr 2 künü ATR qırımtatar telekanalınıñ sabıq hadimleriniñ – Elzara İslâmova, Lilâ Bucurovanıñ evlerinde ve telekanal saibi Lenur İslâmovnıñ ana-babasınıñ ve Moskvadaki onıñ şahsiy evinde tintüvlerni keçirdiler.

XS
SM
MD
LG