Link açıqlığı

Qırımnıñ rus başı Sergey Aksenovnıñ fikrine köre, Rusiyeden Qırımğa energetik köpürniñ birinci yolağı yollanılmasından soñ yarımadada vaziyet eyileşe. Amma fevqulâde vaziyet rejimi saqlanıla, dey o.

«Müsbet deñişüvlerge baqmadan, fevqulâde vaziyet rejimi saqlanıla. FV yoq etilmesi boyunca ştab dekabr 20-ne qadar çalışacaq, mesken fondu elektrik energiyası ile teminlemegence, sanaiy şirketlerniñ, mektep, bala bağçalarınıñ çalışuv cedvelleri tizilmegence», – denile Aksenovnıñ Facebooktaki beyanatında.

Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti. Rusiye energetika naziri Aleksandr Novak aytqanı kibi, 100 MVt miqdarında elektrik energiyasınıñ aqımını dekabr 3 künü tarqatırlar, ekinci 100 MVt kelecek künü toplanır.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımda cuma künü Rusiyeden daa 300 generatornıñ kelmesini bekleyler. Bu afta andan endi o qadar generator ketirilgen edi.

XS
SM
MD
LG