Qırımnıñ rus prokurorı Natalya Poklonskaya aytqanı kibi, mahkeme Qırım qamaçavı boyunca vatandaşlıq qamaçavı idarecisi, ATR qırımtatar telekanalınıñ saibi Lenur İslâmovnıñ mülkiyetini apis etti.
«İslâmovnıñ cinayetke alâqası belgilengen. Cinaiy iş boyunca ükümniñ yerine ketirilmesi içün, yani yapılğan ziyannıñ tazminatı içün mülkiyeti apis etildi», – dedi Poklonskaya «TASS» agentligine.
Nasıl iş aqqında söz ketkenini qayd etmedi. Bunıñ ile Poklonskaya İslâmovnıñ mülkiyetiniñ musaderesi mümkün olğanını red etmedi. İslâmovnıñ apis etilgen mülkiyeti aqqında tafsilâtlı malümat berilmey.
İslâmovnıñ özü işbu bildirüvni daa izaatlamadı.
Qırımda noyabr 2 künü ATR qırımtatar telekanalınıñ sabıq hadimleriniñ – Elzara İslâmova, Lilâ Bucurovanıñ evlerinde ve telekanal saibi Lenur İslâmovnıñ ana-babasınıñ ve Moskvadaki onıñ şahsiy evinde tintüvlerni keçirdiler.
Qırım qamaçavı boyunca vatandaşlıq aktsiyasınıñ idarecisi Lenur İslâmov aytqanı kibi, Qırımğa mal, erzaq ve elektrikniñ ketirilmesi toqtatılğanından soñ, yarımadanıñ «deñiz qamaçavı» başlanır, şu cümleden Qırımnı Rusiye Federatsiyasınıñ Krasnodar diyarı ile bağlağan yekâne naqliyat arterriyası olğan Keriç keçitiniñ qamaçavı da.
