Link açıqlığı

Çubarov: biz Qırım qamaçavı aqqında degil, Ukrainanıñ işğal etilgen qısmına malnıñ berilmesi aqqında aytamız


Qırımtatar Milliy Meclisiniñ reisi Refat Çubarov dey ki, Qırım meselesi köterilgende Qırım qamaçavı aqqında degil, qıtaiy Ukrainadan yarımadağa mal ve hızmetlerniñ berilmesi aqqında laf yürsetmek kerek.

«Energetik ya da erzaq qamaçavı aqqında aytmaz edim. Söz qıtaiy Ukrainadan Ukrainanıñ işğal etilgen qısmına mal ve hızmetlerniñ berilmesi aqqında ketmeli», – dedi Çubarov dekabr 2 künü yedi ukrаin matbuat vastaınıñ umumiy efirinde.

Çubarovnıñ sözlerine köre, Qırım qamaçavınıñ neticelerinden biri – «Qırım mevzuatınıñ» Ukraina ve dünya siyasetiniñ kün tertibine qaytarılmasıdır.

Aynı zamanda o şunı qayd etti ki, sentâbr 20 künü qırımtatar yetekçileriniñ tarafından başlanğan aktsiyanıñ bütün maqsatları yerine ketirmegen. Şu cümleden, Qırımda «Qırım içün küreşken» faali-qırımtatarlar, Rusiyede ukrain-qırımlı siyasiy mabüsleri Оleg Sentsov, Aleksandr Kоlçenko, Gennadiy Afanasyev apiste qala.

Qırım.Aqiqat, Tsentr jurnalistskih rassledovaniy, Hromadske.TV, ATR telekanalı, «Ukrainskaya pravda» neşiri, UA: Pervıy, Çernomorskaya TRK akimiyet ve cemaat arasında munasebetni tiklemek içün eki saatlıq efir içün birleştirler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG