Link açıqlığı

Saatnıñ esas haberi

Qırımtatar fаalini Facebook yazıları sebebinden ekstremizmde qabaatladılar


Yalta cemaat erbabı, qırımtatar faali Emir-Üsein Kuku «Sova» uquq qoruyıcı merkezine bildirgeni kibi, içtimaiy ağlarda aşkâr etken yazıları sebebinden sorğuğa çağırıldı. FSB hadimleri şu yazılarda milletlerara nefretniñ hususiyetlerini körgenler.

Aytqanı kibi, iş malümatlarında onıñ Facebooktaki yazıları (paylaşuvları da) ve izaatları qayd etilgen, şu sırada Qırım musulmanlarına farqlı tillerde video muracaat, Suriyede Rusiye silâlı quvetleriniñ telâfeti aqqında video, qırımtatarlarnıñ lideri Mustafa Cemilevniñ olacaq ayırımlar aqqında beyanatı ve diger yazılar.

Aprel ayında qırımtatar falini «Odnoklassniki» içtimaiy ağındaki yazıları sebebinden endi sorğuğa çekken ve evinde tintüvni keçirgen ediler.

Emir-Üsein Kuku Yaltada aprel 20-de işke ketkende yaqalandı. Onıñ evinde tintüv keçirildi, bilgisayarlar, telefon ve kitaplar alındı. Soñra onı, tahmin etilgeni ki, Yalta uquq qoruyıcı organlarınıñ idaresine alıp kettiler. Onı Rusiye Federatsiyası Cinaiy kodeksiniñ 282-nci maddesine köre «Duşmanlıq ya da nefret qozğalaması, insan itibarını tüşürüv» kibi cinayette şekleyler.

Азат этилювинден сонъ уquq qorçalayıcı özüni yahşı is etkenini bildirip, büyrek ağrısı olğanını aytqan edi.

XS
SM
MD
LG