Link açıqlığı

Siyasetşınas Anton Krut degeni kibi, Türkiyeniñ qırımtatarlarğa yardım etmek içün imkâniyeti çoq, amma «istegi yoq». Qırım tamır halqınıñ qoruvı meselelerinde İstanbul tek beyanatları ile sıñırlana, dey siyasetşınas.

Bu aqta o Qırım.Aqiqat Radiosınıñ saba efirinde bildirdi.

«Evelki bir buçuq yıl devamında Türkiуe qırımtatarlar halqınıñ qoruvı boyunca boş beyanatlarından ğayrı bir şey yapmadı. Öldürüvler, insanlarnıñ ğayıp oluvı, Rusiye apishanelerinde 13 qırımlı yatqanına baqmadan, Türkiye Rusiye, Ukraina ile munayebetlerinde olduqça kârlı siyasetini alıp bara», – dey o.

​Türkiye baş naziri Ahmet Davutoğlu parlamentke Türkiye Nazirler kabineti programmasını taqdim etti, onıñ çerçivesinde işğal etilgen Qırım ve qırımtatarlar aqqında noqtalar qayd etilgen.

Noyabr 1 künü Türkiye parlamenti deputatlarınıñ saylavları keçti, neticede memleketniñ yañı 64-nci ükümeti teşkil etildi.

Bu sene Qırımnı yarımadada qırımtatarlarnıñ vaziyetini nezaret etecek uquq qoruyıcı ve alimlerniñ resmiy olmağan Türkiye eyyeti ziyaret etti. Eyyet Qırımda söz serbestligi, mahkeme sualleri, tasil ile bağlı insan aqlarınıñ bozuluvını qayd etti. Türkiye eyyetiniñ maruzası Rusiye Federatsiyasınıñ prezidenti Vladimir Putinge berildi.

XS
SM
MD
LG