Ukraina bücetinden qırımtatar rejissörı Ahtem Seytabalevniñ «Onıñ yüregi» kinofilmi içün kerek olğan paranıñ 30% ayıracaqlar.
Bunı Qırım.Aqiqatqa Ukrainanıñ kino meseleleri boyunca Devlet agentliginiñ matbuat kâtibi Kseniya Kоsik bildirdi.
«Kino umumiy büceti – 31 million grivna, devlet bücetinden 10 million, qalğanı – şahsiy vastalar», – dey o.
Kоsikniñ sözlerine köre, çıqaruv ketişatı Ukraina, İsrail ve Gürcistanda keçirilecek.
«Qırım işğali sebebinden Gürcistanda çıqarılacaq, onıñ tabiatı Qırım tabiatına oşay», – dedi o.
Filmniñ rejissörı – ukrain aktörı ve qırımtatar rejissörı Ahtem Seytablayevdir. Film süjeti Qırımnıñ natsistler tarafından işğali vaqtında yeudiy balaçıqlarını ölümden qorçalağan qırımtatarı Sayde Arifovanıñ ikâyesi esasında qurula. Prodüsserler – İvanna Dâdüra ve Andrey Yarmak.
