Link açıqlığı

Ukraina prezidentiniñ qırımtatar halqınıñ işlerinden vekâletlisi, qırımtatarlarnıñ milliy yetekçisi Mustafa Cemilev çarşenbe künü Sırbistan paytahtı Belgrad şeerinde ОSCE memleket-azalarınıñ Tış işler nazirleri ile körüşecek.

«Şu künleri Sırbistan paytahtında ОSCE memleketleriniñ tış işler nazirleri toplaşacaq. Dekabr 3-4 künleri mında er yıllıq Nazirler şurasınıñ körüşüvi keçirilecek, teşkilât ile bağlı meseleler baqılacaq ve mütenasip qararlar alınacaq. Qırım kün tertibinde olmalı», – denile beyanatta.

Qırımtatarlarnıñ yetekçileri aytqanı kibi, Ukraina iştiragi ile keçirilgen bütün halqara körüşüvlerde «Qırım meselesi» muzakere etilmeli.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG