Ukraina Nazirler kabineti yanında Qırım ve Aqyar meselelerinden vekâletli Aslan Ömer Qırımlı vazifesinden boşatıldı.
Bu aqta dekabr 1 künü Ukraina Nazirler kabineti saytında aşkâr etilgen avalesinde aytıla.
«Ömer Qırımlı Aslan Enveroviçni Qırım Muhtar Cumhuriyeti ve Aqyar şeeri meselelerinden ükümet vekâletlisi vazifesinden taraflarnıñ razılığı ile boşatmaq», – denile vesiqada.
Onıñ yerini alacaq şahıs qayd etilmegen.
QMC ve Aqyar meseleleri boyunca ükümet vekâletlisiniñ vazifest 2015 senesi yazda peyda oldı, bu vazifege bundan evel Rusiyeniñ Qırım işğalinden soñ peyda olğan Qırım meseleleri boyunca Devlet hızmetiniñ reberi Aslan Ömer Qırımlı keçti.
Qırımlı ükümet vekâletlisi vazifesinde Qırımnıñ Rusiye işğali ile bağlı halqara davalarnen oğraşmaq kerek edi. Onı temsilcilik maqsadı ile AQŞ-na yolladılar.
