Link açıqlığı

Qırımda vatandaşlarnıñ «sabıq semetdeşlerden» «qoruvını» arttırdılar


Qırımda terrorizmge qarşı imaye tedbirleri arttırıldı, dey yarımadanıñ rusiyeli başı Sergey Aksenov.

«Cumhuriyetniñ terrorizmge qarşı komissiyası hususiy qoruv altında olması kerek olğan obyektlerniñ cedvelini çoqtan tizgen, şu cümleden, energetik köprü, şimdi Ukrainada yaşağan sabıq semetdeşlerimizniñ matbuat vastalarında olğan çağıruvları nazarğa alınğan», – dedi o, dep bildire Qırımnıñ rusiyeli ükümetiniñ matbuat hızmeti.

Onıñ sözlerine köre, soqaqlarda «patrul eteler». Aksenov vatandaşlarnıñ havfsızlığı «tam şekilde» teminlengenine işandıra.

Evel Aksenov Qırımda «Ukrainanıñ gizli mühlisleri» bar olğanını qayd etken edi.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG