Link açıqlığı

Saatnıñ esas haberi

İlyasov: Qırım energetik qamaçavına qarşı qırımtatar mitingi planlaştırıla


Qırımnıñ rusiyeli akimiyeti Aqmescitte Qırım energetik qamaçavına qarşı çoq biñlik qırımtatar mitingini keçirecek ola. Amma keçirilecek künü daa belli degil, dedi Qırım rusiyeli Devlet şurası reisiniñ muavini, «Qırım» regionlarara qırımtatar cemaat areketiniñ reisi Remzi İlyasov bildirdi, haber etti «Krımiform» haber agentligi.

«İnsanlar regionlardan kelmege azır, tek qırımtatarlar degil. Bunıñ ile fevqulâde vaziyet sebebinden keççe toplanmağa daa da yahşı olur edi, mitingni keçirmemek istegimiz ile bağlı degil. Şunıñ içün, vaqtınıñ avuştırıluvı aqqında qarar alındı, dekabr 4-den soñ oturırmız, fevqulâde vaziyet bitkende, qarar alır ve mitingni keçirirmiz», – dey o.

«Qırım birligi» cumhuriyet cemaat teşkilâtınıñ reisi Seytumer Nimetullayevniñ malümatına köre, «mitingde endi 20 biñlen ziyade insan iştirak etmek istegini bildirdi». Şu cümleden, onıñ sözlerine köre, İçki rayonında bir 200 iş adamı insanlarnı aktsiyağa alıp barmaq içün maşinalarnı bermege azır. Nimetullayevniñ sözlerine köre, mitingde kazaklar, halq imayesi ve «Yekâne Rusiyeniñ Yaş gvardiyası» teşkilâtınıñ vekilleri iştirak etmege azır.

Evel Qırım qamaçavı boyunca aktsiyasınıñ idarecisi Lenur İslâmov Facebookta yazğanı kibi, dekabr 1 künü mitingniñ keçirilmesi planlaştırıla, mında «içtimaiy ve devlet saasınıñ qırımtatar hadimlerini mecburen toplaycaq olalar».

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

XS
SM
MD
LG