Qırım Yuqarı mahkemesi Qırımtatar Milliy Meclisi reisiniñ muavini Ahtem Çiygoznıñ 2016 senesi yanvar 29-na qadar apiste qaldırılması aqqında mahkeme qararını lâğu etmedi. Bu aqta Qırım.Aqiqat mühbiri bildire.
Böyleliknen, mahkeme Aqmescit Kiyev rayon mahkemesiniñ Ahtem Çiygozğa nisbeten alğan qararına imayeniñ şikâyet arizasını lâğu etti.
Qabaatlayıcı tarafnıñ atqanı kibi, Çiygoz azatlıqta olıp, «mahkeme ve taqiqatqa basqı ete bile».
Çiygoznıñ özü mahkeme toplaşuvında aytqanı kibi, oña qarşı qanuniysizlik ve basqı etile: «Mahkemege yuqarıdan emirler kele. Obyektiv qararlarnı beklemek kerekmey», – dedi o.
Mustafa Degermenci, Ali Asanov ve Ahtem Çiygoz bir buçuq yıl evelsi fevral 26 künü Qırım parlamenti yanında Ukraina topraq bütünliginiñ tarafdarları ve «Russkoye yedinstvo» («Rusiye birligi») firqasınıñ faalleri arasında teşkil olunğan «kütlevi tertipsizliklerde» iştirak etüvleri içün qabaatlana.
Qırımnıñ Yuqarı mahkemesi Aqmescit Kiyev rayon mahkemesiniñ «fevral 26 işi» iştirakçileri Mustafa Degermenci ve Ali Asanovnı apiste 2016 senesi fevral 19-na qadar qaldırmaq qararını da lâğu etmedi
