Link açıqlığı

Saatnıñ esas haberi

Aksenov «DHC» başına Qırımnıñ energetik qamaçavı ile küreşi içün minnetdarlığını bildirdi


Qırımnıñ rusiyeli başı Sergey Aksenov «DHC» başı Aleksandr Zaharçenkoğa onıñ Qırımda elektrik teminlevi başlanılmağance Ukrainağa kömür ketirilmesini toqtatmaq vadesi içün teşekkürlerini bildirdi. Mütenasip bildirüvni Aksenov Facebook saifesinde yazdı.

«Bir-birimizge yardım etmelimiz. Qırım, bütün Rusiye kibi, er vaqıt yaş cumhuriyetlerge qol tuta edi. İlk evelâ, gumanitar yardım meselesinde. Bugün, Qırım qıyın vaziyette olğanda, Donetsk bizge yardım ete. Bugün Kiyevniñ kabinetlerinde oturğan iylekârlarnen birlikte küreşecekmiz», – dedi Aksenov.

Evel «DHC» başı Aleksandr Zaharçenko aytqanı kibi, ukrain akimiyeti Qırımga elektrik energiyasınıñ berilmesini ğayrıdan başlamaq kerek. Sözlerine köre, böyle yapmasalar, «DHC» territoriyasından Ukrainağa kömür berilmeycek.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey. Qırım qamaçavınıñ idarecisi Lenur İslâmov Rusiye tarafından siyasiy mabüslerniñ, şu cümleden qırımtatarlarnıñ azat etilmesinde israr ete.

Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımda cuma künü Rusiyeden daa 300 generatornıñ kelmesini bekleyler. Bu afta andan endi o qadar generator ketirilgen edi.

XS
SM
MD
LG