«Ukrenergo» başı Vsevolod Kovalçuk bildirgenine köre, Qırım qamaçavı iştirakçileri ile 220 Kv Kahovka –Titan elektrik yolağında tamir işleriniñ soñunace yapılması aqqında añlaşma qabul etilgen. Bu aqta o Facbookta yaza.
«Energetika naziri Vladimir Demçişin Qırım vatandaşlıq qamaçavı ştabı ile ile 220 Kv Kahovka –Titan elektrik yolağında tamir işleriniñ soñunace yapılması boyunca añlaşma qabul etilgeni aqqında bildire. Brigada endi yolğa çıqqan. Bir qaç saat içinde telniñ montajını bitirirmiz. Yolaqnıñ işlettirilmesi aqqında mesele daa muzakere etile», – dey o.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.
Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey. Qırım qamaçavınıñ idarecisi Lenur İslâmov Rusiye tarafından siyasiy mabüslerniñ, şu cümleden qırımtatarlarnıñ azat etilmesinde israr ete.
Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımda cuma künü Rusiyeden daa 300 generatornıñ kelmesini bekleyler. Bu afta andan endi o qadar generator ketirilgen edi.
