Link açıqlığı

Keriçniñ bir çoq mesken evinde elektrik energiyası tek altıncı künü peyda oldı. Bazı rayonlarda elektrikni bir saatke, bazılarında bir qaç daqqağa berdiler.

Qırım.Aqiqat mühbiri bildirgeni kibi, yerli sakinler birden turmuş meselelerini al etmege başladı: yuvunmaq, şey yuvmaq, mobil telefon, noutbooklarnı yüklendirmek.

Bunıñ ile şeerliler söndürüv cedveline riayet etilmegenine şikâyet ete.

Memurlarnıñ sözlerine köre, elektrik energiyasını yaşayış teminlev obyektleri ile bir yolaqta olğan evlerge bermekteler. Aynı zamanda, bir çoq mesken rayon noyabr 22-den qaranlıqta buluna.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey. Qırım qamaçavınıñ idarecisi Lenur İslâmov Rusiye tarafından siyasiy mabüslerniñ, şu cümleden qırımtatarlarnıñ azat etilmesinde israr ete.

Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımda cuma künü Rusiyeden daa 300 generatornıñ kelmesini bekleyler. Bu afta andan endi o qadar generator ketirilgen edi.

XS
SM
MD
LG