Link açıqlığı

Aqyarda büyük tükânlar benzoelektrik agregatlarnı satın aldı ve kassa aparatlarını, buzdolap ve ticariy meydanlarnı elektrik energiyası ile teminledi. Bunı Qırım.Aqiqat mühbiri bildirire.

«Okean», «Lider», ATB ve diger supermarketlerniñ kirişlerinde mobil genaratorlar tura, olarnı qaravullar nezaret ete. Büyük tükânlarnıñ zalları yarıqlanğan.

«Lider» tükânınıñ qaravulları Qırım.Aqiqat mühbirleri ile laf etkende, mobil generatorlarğa masraf, tükânnıñ iç te işlemeycegine ya da mahsulatnıñ bozulacağına köre, bayağı eksik olğanını qayd etti.

Aynı zamanda saipleri generatorlarnı alıp olamağan ufaq tükânçıqlar yarı qaranlıqta çalışa – çıraq ya da cep fenerleri yarığında.

Satıcılar eski mehanik terazelerine keçti, bundan müşteriler içün oñaytsızlıq yaratıla.

Ufaq erzaq tükânları tez bozulğan malnı satmayıp, makaron, kürpe, qartop ve tez bozulmağan diger malnı satmaqta.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey. Qırım qamaçavınıñ idarecisi Lenur İslâmov Rusiye tarafından siyasiy mabüslerniñ, şu cümleden qırımtatarlarnıñ azat etilmesinde israr ete.

Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımda cuma künü Rusiyeden daa 300 generatornıñ kelmesini bekleyler. Bu afta andan endi o qadar generator ketirilgen edi.

XS
SM
MD
LG