Link açıqlığı

Saatnıñ esas haberi

«Ukrenergo» elektrik yolaqlarınıñ tamirine bazarertesinden evel başlamaz


«Ukrenergo» tamir brigadaları cuma künü noyabr 27-de ve raatlıq künleri «Kahovka – Titan» yolağınıñ tamirini devam ettirip olamaz. Bu aqta energetik şirketniñ matbuat hızmeti bildire.

«Ukrenergo» temsilcileriniñ Herson vilâyetinde Qırım qamaçavı iştirakçileri ile körüşüvinde energetikler bozulğan elektrik yolaqlarında tamir işlerini devam ettirmek zaruriyetini seslendirdiler, delillerni Qırım qamaçavınıñ merkeziy ştabına berecekler, bundan soñ ilerideki areketler aqqında qarar alınacaq. Faaller bildirgeni kibi,bazarertesi, noyabr 30-na qadar «Ukrenergo» brigadalarına 220 kV «Kahovka-Titan» yolağında tamir işlerini soñunace yapmaq içün irişim açılmaz», – denile beyanatta.

«Kahovka – Titan» yolağınıñ tamiri ile oğraşqan «Ukrenergo» brigadası Qırım energetik qamaçavı faalleriniñ talabı sebebinden cumaaqşamı saat 10:00 işini toqtattı.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey. Qırım qamaçavınıñ idarecisi Lenur İslâmov Rusiye tarafından siyasiy mabüslerniñ, şu cümleden qırımtatarlarnıñ azat etilmesinde israr ete.

Yarımada şimdi Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene. Amma bu yeterli degil. Qırımda cuma künü Rusiyeden daa 300 generatornıñ kelmesini bekleyler. Bu afta andan endi o qadar generator ketirilgen edi.

XS
SM
MD
LG