Link açıqlığı

Qırımda Aqmescitniñ çoq qatlı evinde yüz bergen patlav sebebinden cinaiy iş açıldı


Noyabr 26 künü Aqmescitniñ çoq qatlı evinde patlav neticesinde vefat etken erkekniñ ölümi boyunca cinaiy iş açıldı, haber ete Qırım boyunca Rusiye Taqiqat komiteti idaresiniñ matbuat hızmeti.

Beyanatta bildirilgeni kibi, «belli olmağan maddeniñ patlavı» yüz berdi, neticede dairede tamir işlerini yapqan erkek yaralanıp, elâk oldı. Olğan malümatqa köre, patlav gaz çıqmasından yüz berdi, deyler Taqiqat komitetinde.

Cinaiy işni – «muqaytsızlıqtan ölümge oğratuv» maddesi boyunca açtılar.

Al-azırda vaqia şaraitleri ögrenile, işbu cinayetke alâqası olğan şahıslar belgilene.

XS
SM
MD
LG