Link açıqlığı

Saatnıñ esas haberi

Herson vilâyetinde elektrik yolağınıñ tamirini blok etmekteler – «Ukrenergo»


Noyabr 27 künü Qırım qamaçavı boyunca vatandaşlıq aktsiya iştirakçileri «Kahovka – Titan» yolağınıñ tamirini soñunace yapmağa ıntılğan tamir brigadasına irişimni blok etmege devam ete, dep bildire «Ukrenergo» matbuat hızmeti.

Şirketiniñ matbuat hızmeti bildirgeni kibi, vaziyetni bir nizamğa ketirmek içün Qırım qamaçavı temsilcileri ile körüşüv planlaştırıla.

«Bugün, Qırım qamaçavınıñ yerli ştabı ile añlaşmağa köre, «Ukrenergo» teşebbüsi boyunca, Qırım qamaçavı ştabınıñ yolbaşçılığı ile şirketniñ temsilcileri körüşecek. Körüşüv Herson vilâyeti Çonğar köyünde 330 kV Melitopol – Canköy yolağınıñ bozuluvı olğan yerniñ yanında olmalı», – denile beyanatta.

Herson vilâyetinde «Kahovka – Titan» yolağınıñ tamiri içün tek üç saat kerek, amma faaller mütehassıslarnı keçirmey, dedi Ukraina energetika naziri Ukrainı Vladimir Demçişin.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey.

XS
SM
MD
LG