Link açıqlığı

«Kahvoka – Titan» yolağınıñ tamiri içün bizge üç saat kerek – Ukraina energetika naziri


Herson vilâyetinde «Kahovka – Titan» yolağınıñ tamiri içün tek üç saat kerek, amma faaller mütehassıslarnı keçirmey, dedi Ukraina energetika naziri Ukrainı Vladimir Demçişin.

O şunı hatırlattı ki, Herson vilâyetinde elektrik tiremeleriniñ patlavından soñ eki ştab teşkil etildi: biri «Ukrenergoda» ve daa biri Herson vilâyet devlet memuriyeti yanında.

«Vaqia yeriniñ yanında, Çaplinka ve Çonğar rayonında» «Ukrenergonıñ» altı iş taqımı bar. İşlemege azır, amma faaller olarnı keçirmey. Faallerniñ mevamını nazarğa alıp, «Kahovka – Titan» ava yolağında tek iş yapıldı. İşni soñunace bitirmek içün üç saat kerek», – dedi Demçişin.

Nazir şunı da qayd etti ki, cuma künü energetik ştabınıñ baş nazir muavini ile toplaşuvı keçirilecek.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tamirlediler, amma faaller onı işlettirmege bermey.

XS
SM
MD
LG