Link açıqlığı

Herson vilâyetinde «Çonğar» kiriş/çıqış noqtasınıñ Qırım ile memuriy sıñırğa yaqınca avuştırılması sebebeinden taksi aydavcıları Novoalekseyevkadan ukrain sıñırcılarınıñ noqtasına yol fiyatını köterdiler. Şimdi, maşinalarnıñ areketi sıñırlanğanı sebebinden, insanlar Rusiye sıñırcılarına yetmek içün bir kilometrlik yolnı cayav keçmeli, dey Qırım.Aqiqat mühbiri.

Noyabr 17-ne qadar, Ukraina Devlet hızmeti «Çonğar» kiriş noqtasınıñ avuştırılması aqqında ilân etkende ve mütenasip naqliyat sıñırlavı kirsetilgende, Novoalekseyevkadan «Çonğar» noqtasına yol parası 50 grn teşkil ete edi, şimdi 100 grn tura. Ukrain sıñırcılarınıñ noqtasından evel, Qırımğa yol alğan yolcular «Pravıy sektor» nezaret-kiriş noqtasında teşkerüvden keçe.

Ukraina Devlet sıñır hızmetinde şimdi mobil kiriş noqtası çalışa, insanlarnıñ vesiqaları eki maşinada resmiyleştire. Bundan soñ yolcular Qırımğa taba bir kilometrlik yolnı keçe, anda olarnı Rusiye sıñırcılarına alıp ketecek avtobus bekley. Yol fiyatı – 40 ruble.

Qırım.Aqiqat mühbiri bildirgeni kibi, insanlarnıñ aqımı büyük degil, olar esasen «Kalançak» ve «Çaplinka»dan keçeler.

2014 senesi Rusiye Qırımnı işğal etkeninden soñ qıtaiy Ukraina ve yarımada arasında memuriy, aqiqatta ise – kerçek sıñır peyda oldı.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG