Keçken kün devamında 17 biñ qırımlı ve 47 mesken yer bağnen teminlengen, dedi Qırımnıñ rusiyeli ükümetiniñ baş nazir muavini Dmitriy Polonskiy. Onıñ malümatına köre, yarımadada bağsız qalğan abonentlerniñ sayısı 58,4 biñ insanğa qısqartılğan.
«Aqşam devamında bağsız qalğan 75 761 abonentniñ sayısı 58 497 abonentke qısqartıldı. Tünevin beş biñ insannı bağlamağa planlaştıra edik, 17 264 insannı bağladıq. Yani, bu ceetten vaziyet bir nizamğa ketirildi», – dedi Polonskiy Nazirler şurası toplaşuvında.
Qırım rusiyeli ükümetiniñ matbuat hızmeti bildirgeni kibi, baş nazir muavininiñ sözlerine köre, 70 generator endi bağ obyektlerine ketirildi, 37 endi çalışmaqtadır.
Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetni kirsetti.
