Link açıqlığı

Qırımnıñ rusiyeli akimiyetiniñ başı Sergey Aksenov aytqanı kibi, Qırım akimiyeti generatorlarğa fiyatlarnıñ köterilmesi ile uquq qoruyıcılarnıñ yardımınen küreşecek – prokuratura ve FSB. Bunı Aksenov noyabr 26 künü «Pervıy Krımskiy» telekanalında bildirdi.

Akimiyet generatorlarğa fiyatlarınıñ paalılaşuvına imkân bermesi aqqında sualge cevap berip, Aksenov bu mesele ile «şu aqşam» oğraşmağa başlarlardep vade etti ve qırımlılarnı iş adamlarğa akimiyetke şikâyet etmege çağırdı.

«Anda FSB ve prokuratura desantını yollarmız. Fiyatnı uyğunlaştırırmız», – dedi Aksenov.

Qırımda elektrikniñ söndürilmesinden sebep çıraq, generator, batareyalar paalılaştı. Qırımlılarnıñ aytqanı kibi, Qırım boyunca generatorlarnıñ fiyatı 17-39 biñ ruble etrafındadır. Umumen generatorlarnıñ fiyatı beş biñ rublege paalılaştı.

Bıltır aynı şu generatorlar 10-14 biñ tura edi.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 24 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» aman-aman tamirlediler.

XS
SM
MD
LG