Link açıqlığı

Saatnıñ esas haberi

Herson vilâyetinde qamaçav iştirakçileriniñ talabı ile elektrik tiremeleriniñ tamirini toqtattılar – Herson akimiyeti


«Kahovka-Titan» yolağınıñ tamiri toqtatılğan (video)
Bekleñiz, lütfen

No media source currently available

0:00 0:00:24 0:00

«Kahovka-Titan» yolağınıñ tamiri toqtatılğan (video)

«Ukrenergo» devlet şirketiniñ tamir brigadası Herson vilâyetinde bozulğan dört elektrik tiremesinden biriniñ tamirini toqtattı. «Ukrenergo» haber siyaseti idaresiniñ reberi Zinoviy Butse aytqanı kibi, işler noyabr 26 künü «yarımada energetik qamaçavı iştirakçileriniñ ricası ile» toqtatıldı.

«Bugün, noyabr 26 künü, saat onğa yaqın, 220 kV «Kahovka – Titan» yolağınıñ patlavı neticesinde bozulğan tiremeni tamirlegen işçiler energetik qamaçavı iştirakçileriniñ ricası ile işini toqtattılar», – haber ete Herson vilâyet devlet memuriyetiniñ matbuat hızmeti.

Zinoviy Butseniñ malümatına köre, faaller aktsiya yetekçilerinden öz ilerideki areketleri aqta cevap bekley.

Bildirilgeni kibi, aktsiya liderlerinden birisi Lenur İslâmov bu yasaqnı añlatqanda, faaller Qırım rusiyeli akimiyetinden siyasiy mabüslerni azat etmege talap etkenini qayd etti, bu talaplar yerine ketirilmegence, QMC territoriyasına elektrik teminlevi berilmeycek.

Noyabr 22-ne keçer gecesi Herson vilâyetiniñ Çaplinka qasabası rayonında patlavlar yüz berdi. Qırım qamaçavı boyunca vatandaşlıq qamaçavı ştabında bildirilgeni kibi, «Qırımnı elektrika ile teminlegen elektrik bericileriniñ yolağı tüşti ve ğayrıdan tiklenemez».

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Qırım Fevqulâde işler nazirligi fevqulâde vaziyetniñ kirsetilmesi aqqında teniyeley edi. Noyabr 23 künü yarımadada raatlıq künü olaraq ilân etilgen edi.

Noyabr 25 künü «Ukrenergo» bildirgeni kibi, işçiler bozulğan tiremelerniñ birini – «Kahovka – Titan» tiremesini aman-aman tamirlediler.

XS
SM
MD
LG